10/12/2021
12 ოქტომბერს საქართველოს ტექნიკური უნივერსიტეტის საერთაშორისო ურთიერთობათა დეპარტამენტში გაიმართა შეხვედრა პოლონეთის
Perspektywy საგანმანათლებლო ფონდის წარმომადგენლებთან.
საინფორმაციო შეხვედრა ეხებოდა 2022 წლის ივნისში ვარშავაში (პოლონეთი) დაგეგმილ
სამიტს - Perspektywy Women in Tech Summit 2022. ღონისძიების შესახებ დეტალურად ისაუბრეს Perspektywy საგანმანათლებლო ფონდის დირექტორმა საერთაშორისო საკითხებში კაზიმირჟ ბილანოვმა (Kazimierz Bilanow) და ორგანიზაციების - „სწავლა პოლონეთში“ და „"Poland - IT Hub for You" - კოორდინატორმა იულია ლისიკმა (Julia Łysik).
აღსანიშნავია, რომ სამიტის პრიორიტეტული მიმართულება საინფორმაციო ტექნოლოგიებია და მიზნობრივ ჯგუფს სტუდენტი გოგონები და ახალგაზრდა მეცნიერი ქალები წარმოადგენენ.
პოლონელ კოლეგებთან შეხვედრაში სტუ-ს საერთაშორისო ურთიერთობათა დეპრტამენტის წარმომადგენლებთან ერთად მონაწილეობდნენ სტუ-ს ინფორმატიკისა და მართვის სისტემების ფაკულტეტის დეკანი, პროფ. თამარ ლომინაძე; დეკანის მოადგილეები, პროფ. თინათინ კაიშაური და პროფ. ლილი პეტრიაშვილი, ფაკულტეტის ახალგაზრდა მეცნიერი ქალები და სტუდენტები.
სამიტის შესახებ დამატებითი ინფორმაციისთვის დაუკავშირდით სტუ-ის საერთაშორისო ურთიერთობათა დეპარტამენტს. ადმინისტრაციული კორპუსი, 221-ე ოთახი. ელ.ფოსტა:
erasmusplus@gtu.ge
სიახლეებში დაბრუნება