05/13/2019
2019 წლის 15-19 აპრილს საქართველოს ტექნიკურ უნივერსიტეტს ტრეინინგის მიზნით სტუმრობდნენ დასავლეთ ატიკის უნივერსიტეტის (საბერძნეთი) წარმომადგენლები კონსტანტინოს პაპათეოდოსიუ, ქრისტოს ციცისი და ეირინი-ათინა ვატოუ.  

ტრეინინგი Erasmus+ KA1 ადმინისტრაციული პერსონალის გაცვლითი პროექტის ფარგლებში ჩატარდა, რომელშიც მონაწილეობს საქართველოს ტექნიკური უნივერსიტეტი და რომლის კოორდინატორია დასავლეთ ატიკის უნივერსიტეტი.

სტუ-ს საერთაშორისო ურთიერთობათა და სტანდარტების სამსახურში გამართულ სამუშაო შეხვედრაზე სტუმრებმა წარმოადგინეს თავიანთი უნივერსიტეტი, ისაუბრეს საბერძნეთში არსებულ განათლების სისტემაზე, მის თავისებურებებზე. შეხვედრაზე განხილული იქნა  Erasmus+ პროგრამის ფარგლებში მიმდინარე ერთობლივ პროექტებთან (ინსტიტუციური განვითარებისა და გაცვლითი პროექტები) დაკავშირებული საკითხები.

ბერძენ სტუმრებს ქართველმა კოლეგებმა დაათვალიერებინეს სტუ-ს ცენტრალური სამეცნიერო ბიბლიოთეკა და სამთო-გეოლოგიური ფაკულტეტის პოპულარული გეოლოგიისა და პალეონტოლოგიის და მინერალოგიისა და პეტროგრაფიის მუზეუმები. 

 

სიახლეებში დაბრუნება