17 იანვარს, საქართველოს ტექნიკური უნივერსიტეტის, ქიმიური ტექნოლოგიისა და მეტალურგიის ფაკულტეტის, ელექტროქიმიური ინჟინერინგის მიმართულებაზე, გამოჩენილი ქართველი მეცნიერის, საქართველოს ტექნიკური უნივერსიტეტის ელექტროქიმიური ინჟინერინგის მიმართულების ხელმძღვანელის, მწვანე და მდგრადი ქიმიის ინსტიტუტის დირექტორის, ფუნქციონალური დანაფარების და ნანონაწილაკების ელექტროქიმიური ტექნოლოგიების ცენტრის ხელმძღვანელის, სახელმწიფო პრემიის ლაურეატის, საერთაშორისო სამეცნიერო გამოცემების რედაქტორისა და რედკოლეგიის წევრის, საქართველოს საინჟინრო აკადემიის, ბრიტანეთის სამეფო ქიმიური საზოგადოებისა და ევროპის ზედაპირული ტექნოლოგიების აკადემიის წევრის, ქიმიურ მეცნიერებათა დოქტორის, პროფესორ თამაზ აგლაძის სახელობის აუდიტორია გაიხსნა.

ღონისძიებას ესწრებოდნენ ქიმიური ტექნოლოგიისა და მეტალურგიის ფაკულტეტის დეკანი პროფ. ნუგზარ წერეთელი, დეკანის მოადგილე პროფ. მაია მშვილდაძე, ქიმიური და ბიოლოგიური ტექნოლოგიების დეპარტამენტის უფროსი პროფ. ნაზი კუციავა, ქიმიური ტექნოლოგიისა და მეტალურგიის ფაკულტეტის მენეჯერი ბ-ნი გურამ მჭედლიშვილი, ელექტროქიმიური ინჟინერინგის მიმართულების თანამშრომლები და მოწვეული სტუმრები. სიტყვით გამოვიდნენ საქართველოს ტექნიკური უნივერსიტეტის თანამშრომლები და სტუმრები, რომლებმაც ისაუბრეს თამაზ აგლაძის პროფესიონალიზმზე, მეცნიერულ მიღწევებსა და პიროვნულ თვისებებზე.

    ბიოგრაფია