კვლევითი ცენტრი
სამშენებლო ფაკულტეტის სასწავლო, სამეცნიერო-კვლევითი ცენტრი ფუნქციონირებს 2007 წლიდან. სამშენებლო ფაკულტეტზე დაგროვილი ინტელექტუალური პოტენციალი და არსებული ლაბორატორიული ბაზა საშალებას გვაძლევს შევასრულოთ შემდეგი სახის სამეცნიერო კვლევითი და სამეურნეო სამუშაოები:
- კონკრეტულ ობიექტზე გამოყენებული საშენი მასალების (ბეტონი, არმატურა) სიმტკიცის მახასიათებლების განსაზღვრა.
- ექსპერიმენტალური სამუშაოები ბეტონის ფიზიკურ-მექანიკურ თვისებებზე სხვადასხვა ქიმიური დანამატების (მიკროსილიკა, პენეტრონი, კალმატრონი და ა.შ.) გავლენა.
- ცალკეული ობიექტებისათვის ბეტონის ოპტიმალური რეცეპტების შედგენა.
- სპეციალური დანიშნულების ობიექტებზე გამოყენებულ ბეტონებში წყალშეუღწევადობის კოეფიციენტის განსაზღვრა.
- საავტომობილო გზების ასფალტის და ასფალტობეტონის საფარის გეომეტრიული პარამეტრების დადგენა და მისი სიმტკიცის მახასიათებლის განსაზღვრა, ურღვევი მეთოდების გამოყენებით.
- ასფალტის და ასფალტობეტონის ფიზიკო-მექნიკური თვისებების დადგენა კერნის ამოღებით და მისი ლაბორატორიაში შემდგომი გადამუშავებით.
- ბეტონისა და რკინაბეტონის კონსტრუქციების ექსპერტული გამოკვლევა ურღვევი მეთოდების გამოყენებით.
- რკინაბეტონის კონსტრუქციების არმირების პარამეტრების და არმატურის კოროზიის ხარისხის დადგენა ურღვევი მეთოდების გამოყენებით.
- ბეტონისა და რკინაბეტონის კონსტრუქციებში აღმოჩენილი ბზარების პარამეტრების დადგენა და მათი გავლენის დადგენა კონსტრუქციის მდგრადობაზე.
- მშენებარე და არსებულ ნაგებობებში ბეტონის სიმტკიცის განსაზღვრა კერნის ამოღებით და მისი შემდგომი ლაბორატორიაში გამოცდით და ასევე ბეტონის ახლეჩვის მეთოდით.
- ნაგებობების ფუნდამენტების ჯდომის პროცესის მონიტორინგი.
- არსებული ნაგებობების მზიდი ელემენტების კონსტრუქციული სქემის დადგენა და მათი ექსპერტული შეფასება.
- შენობა-ნაგებობების მდგრადობის კომპლექსური ანალიზი და საექსპერტო დასკვნის მომზადება.
- მშენებარე ობიექტზე ტექნიკური ზედამხედველობის განხორციელება.
- სპეციალური დანიშნულების ობიექტებზე მშენებლობის პროცესის სამეცნიერო-ტექნიკური თანხლება.
სტუ-ს სამშენებლო ფაკულტეტის
სასწავლო, სამეცნიერო-კვლევითი ცენტრის
ხელმძღვანელი ვ. დვალიშვილი