03/27/2019 მილანის უნივერსიტეტის პროფესორმა მონიკა ლაურეტმა და მარკეტერ-მკვლევარმა სტეფანო კორსიმ საქართველოს ტექნიკური უნივერსიტეტის აგრარული მეცნიერებების და ბიოსისტემების ინჟინერინგის ფაკულტეტის მევენახეობა-მეღვინეობის სპეციალობის სტუდენტებისათვის საჯარო ლექცია გამართეს თემაზე: „ღვინის ეკონომიკა, მომხმარებელთა ქცევა და ღვინის საწარმოთა მარკეტინგი“.
პროფესორებმა ახალგაზრდებს მსოფლიო მევენახეობა-მეღვინეობის და ბაზარზე არსებული ტრენდების, ღვინის საერთაშორისო მარკეტინგისა და გაყიდვების თავისებურებების შესახებ ინფორმაცია მიაწოდეს.  გააცნეს იტალიელ მომხმარებელთა კვლევის თავისებურებები და შედეგები. ისაუბრეს ბაზარზე ახალი ბრენდის განვითარების სტრატეგიაზე,  იტალიური ღვინის პოპულარიზაციის მიზნით დაგეგმილ  ღონისძიებებსა და აქტივობებზე, მომხმარებლისთვის ღვინის აქსესუარების მნიშვნელობაზე. გაუზიარეს საერთაშორისო ბაზრის კვლევებში მიღებული საკუთარი გამოცდილებები.  
აღსანიშნავია, რომ მსგავსი საჯარო ლექციები ქართველი მევენახეობა-მეღვინეობის სპეციალობის სტუდენტებისათვის უკვე მეორე წელია იმართება.
სტუდენტთა ცოდნის გაღრმავებისა და საერთაშორისო გამოცდილების გაზიარების მიზნით, 2019 სასწავლო წელს დაგეგმილია გერმანელ, იტალიელ, ესპანელ და სხვ., ასევე ქართველ მკვლევართა და დარგის წარმომადგენელთა საჯარო ლექციები.
          

 

სიახლეებში დაბრუნება