შიდა ღონისძიებები
საგაზაფხულო ჩარიცხვა პროფესიულ პროგრამებზე
ტყიბულის სამთო–ტექნოლოგიური ინსტიტუტი
მემორანდუმი მობილობის პროცესის ხელშეკრულების მიზნით
12 ივნისს ხელი მოეწერა სსიპ საზოგადოებრივ კოლეჯს ,,სპექტრი“ და სსიპ საქართველოს ტექნიკურ უნივერსიტეტს შორის თანამშრომლობის შესახებ მემორანდუმს.
მემორანდუმის მიზანია ერთი და იგივე ჩარჩო დოკუმენტის საფუძველზე შექმნილი პროფესიული საგანმანათლებლო პროგრამების ,,მებათქაშე“ და ,,მღებავი“ ფარგლებში პროფესიული სტუდენტების მობილობის პროცესის ხელშეწყობა.
აღნიშნული პროგრამები სტუ–ში განხორციელდება სამთო–გეოლოგიური ფაკულტეტის ტყიბულის სამთო–ტექნოლოგიურ ინსტიტუტში და მნიშვნელოვან როლს ითამაშებს რეგიონის ეკონომიკურ და ინფრასტრუქტურულ განვითარებაში.
მემორანდუმს, რომლის მოქმედების ვადა 5 წელია, ხელი მოაწერეს საქართველოს ტექნიკური უნივერსიტეტის რექტორმა არჩილ ფრანგიშვილმა და საზოგადოებრივი კოლეჯის ,,სპექტრის“ დირექტორმა როინ (მათე) ტაკიძემ.
აღსანიშნავია, რომ გარდა ზემოთ აღნიშნული პროგრამებისა ტყიბულის სამთო–ტექნოლოგიურ ინსტიტუტში იგეგმება ,,ინფორმაციული ტექნოლოგიების მხარდაჭერის“ პროფესიული პროგრამის და მომზადება/გადამზადების პროგრამის – ,,ამფეთქებელი“ განხორციელება.2018 წლის 9 ივნისს ტყიბულის სამთო-ტექნოლოგიურ ინსტიტუტში სტუმრად იმყოფებოდნენ საქართველოს ტექნიკური უნივერსიტეტის დიპლომების დეპარტამენტის უფროსი ლია მსხილაძე და ამავე უნივერსიტეტის ადმინისტრაციის წარმომადგენლები, რომლებმაც მესამე და მეოთხე საფეხურის კურსდამთავრებულებს დიპლომები გადასცეს