ქართული | ENGLISH
კონტაქტი | საიტის რუკა | ძებნა
2018 წლის 17 თებერვალს, საქართველოს ტექნიკური უნივერსიტეტის, ენერგეტიკისა და ტელეკომუნიკაციის ფაკულტეტეზე სააქტო დარბაზში გაიმართა სტუდენტთა ღია სამეცნიერო კონფერენცია თემაზე: ,,ენერგეტიკა და გარემო“.
კონფერენციის ორგანიზატორები იყვნენ: ენერგეტიკისა და ტელეკომუნიკაციის ფაკულტეტის პროფესორი ქეთევან ვეზირიშვილი-ნოზაძე, ასოცირებული პროფესორი ნათია არაბიძე და ასისტენტ პროფესორი ელენე ფანცხავა.
კონფერენციაზე მომხსენებით გამოვიდა 24 სტუდენტი. ჟიურის წევრები იყვნენ: ფაკულტეტის დეკანი ბატონი გია არაბიძე; ეკონომიკისა და მდგრადი განვითარების სამინისტროს, ენერგეტიკული დეპარტამენტის ხელმძღვანელი ბატონი დავით შარიქაძე; ენერგოეფექტურობის ცენტრის დირექტორი ბატონი გიორგი აბულაშვილი; გარემოს დაცვისა და ბუნებრივი რესურსების სამინისტროს კლიმატის ცვლილების დეპარტამენტის წარმომადგენელი ბატონი კახაბერ მდივანი; საკონსულტაციო-საპროექტო კომპანიის Gross-energy-ის დირექტორი ბატონი ანგური ტყებუჩავა.
სტუდენტთა მოხსენებების თეზისები დაიბეჭდება სტუ-ს შრომათა კრებულში. გამარჯვებულ სტუდენტებს გადეცემა სერტიფიკატები.
კონკურსში გაიმარჯვეს:
მაგისტრატურა - დოქტორანტურა:
1. ადგილი - ხატია არაბიძე; 2. ადგილი - ვალერი ბურჯალიანი.
ბაკალავრიატი:
1. ადგილი - სანდრო გელაშვილი და გიორგი ხარაიშვილი;
2. ადგილი - ირაკლი ფოფხაძე და სოსო მინდიაშვილი;
3. ადგილი - ქეთევანი გოგიშვილი.
ვულოცავთ მიღწეულ შედეგს და ვუსურვებთ შემდგომ წარმატებებს.