09/01/2023
სსიპ საქართველოს ტექნიკური უნივერსიტეტის დოქტორანტურის დებულების, სტუ-ის აკადემიური საბჭოს 2023 წლის 27 ივლისის N01-05-04/111 დადგენილების და სტუ-ის რექტორის 2023 წლის 31 ივლისის N947481 ბრძანების თანახმად 2023/2024 სასწავლო წლის პირველი სემესტრიდან ცხადდება მიღება სტუ-ის სადოქტორო პროგრამებზე.

• სტუ-ის სადოქტორო პროგრამებზე ჩარიცხვის მსურველთა რეგისტრაცია იწარმოებს 2023 წლის 1 სექტემბრიდან 9 სექტემბრის ჩათვლით ონლაინ - ელექტრონულ პლატფორმაზე - register.gtu.ge, ან შესაბამის ფაკულტეტზე 1000 საათიდან 1600 საათამდე (ფაკულტეტზე კვირა დღის გარდა).

• სადოქტორო პროგრამაზე დაშვების წინაპირობის შესაბამისად გამოცდა უცხო ენაში ჩატარდება 2023 წლის 14 სექტემბრის 1000 საათიდან, სტუ-ის I კორპუსში, საგამოცდო და ელექტრონული სასწავლო რესურსების ცენტრში (კომპიუტერული ცენტრი -1, მე-6 სართული, კომპიუტერული ცენტრი - 2, პირველი სართული; კოსტავას ქ. N68). საპრეტენზიო განცხადებების მიღება მოხდეს 2023 წლის 14 სექტემბრის 1000 საათიდან 15 სექტემბრის 1400 საათამდე გამოცდის ჩატარების ადგილზე. საბოლოო შედეგები აპელაციის გათვალისწინებით გამოქვეყნდება 2023 წლის 15 სექტემბერს სტუ-ის ვებგვერდზე;

• სადოქტორო პროგრამაზე დაშვების წინაპირობის შესაბამისად გასაუბრება უცხო ენაში ჩატარდება 2023 წლის 14 სექტემბრის 1100 საათიდან სტუ-ის ადმინისტრაციულ კორპუსში, კოსტავას ქ.N77 (ცენტრალურ ბიბლიოთეკაში). შედეგები გამოქვეყნდება სტუ-ს ვებგვერდზე 2023 წლის 15 სექტემბერს;

• გასაუბრებები საფაკულტეტო დროებით მიმღებ კომისიებთან ჩატარდება 2023 წლის 18 სექტემბერს 1000 საათიდან. გასაუბრების შედეგები (საფაკულტეტო დროებითი კომისიის სხდომის ოქმის ამონაწერი - ჩასარიცხ აპლიკანტთა სია) გამოქვეყნდება სტუ-ის ვებგვერდზე 2023 წლის 19 სექტემბერს. საპრეტენზიო განცხადებების მიღება მოხდება 2023 წლის 19 სექტემბრიდან 21 სექტემბრის 1400 საათამდე. საბოლოო შედეგები აპელაციის გათვალისწინებით გამოქვეყნდება სტუ-ის ვებგვერდზე 2023 წლის 22 სექტემბერს;

• საბოლოო შედეგების გამოქვეყნებიდან 5 სამუშაო დღის ვადაში (2023 წლის 23 სექტემბერიდან 27 სექტემბრის ჩათვლით (კვირის დღის გარდა)) აპლიკანტი ვალდებულია გააფორმოს უნივერსიტეტთან აკადემიური (სასწავლო) და ადმინისტრაციული (საფინანსო) ხელშეკრულებები.

• 2023/2024 სასწავლო წლის პირველი სემესტრიდან სტუ-ის სადოქტორო პროგრამებზე მისაღები ადგილების რაოდენობა

• დოქტორანტურაში ჩარიცხვის მსურველთა მიერ წარმოსადგენი დოკუმენტების ნუსხა

• განცხადების ფორმა

• საკონტაქტო პირები ფაკულტეტების მიხედვით

• სადოქტორო პროგრამებზე დაშვების წინაპირობები

• უცხო ენის ტესტების ნიმუშები

                        ინგლისური ენა
                        გერმანული ენა

                        ფრანგული ენა

                        რუსული ენა

 

სიახლეებში დაბრუნება