ქართული | ENGLISH
კონტაქტი | საიტის რუკა | ძებნა
სხდომას, რომელსაც საინჟინრო-ტექნოლოგიური და საბუნებისმეტყველო მიმართულების სადოქტორო პროგრამების სტუდენტები, მათი ხელმძღვანელები, საჯარო დაცვის კოლეგიის თავმჯდომარეები და ფაკულტეტების დეკანები ესწრებოდნენ, უძღვებოდა საუნივერსიტეტო სადისერტაციო საბჭოს თავმჯდომარე, საქართველოს ტექნიკური უნივერსიტეტის რექტორი, პროფესორი დავით გურგენიძე.
სტუ-ის ინფორმაციით, შესაბამისი კვალიფიკაციის მინიჭების მიზნით, საინჟინრო-ტექნოლოგიური და საბუნებისმეტყველო მიმართულების საუნივერსიტეტო სადისერტაციო საბჭომ ინდივიდუალურად განიხილა 70 დოქტორანტის საჯარო დაცვის დოკუმენტაცია, ასევე, დოქტორანთა, მათ ხელმძღვანელთა და დაცვის კოლეგიის თავმჯდომარეთა წარდგინებები. როგორც აღინიშნა, 9 დოქტორანტი სხდომას საპატიო მიზეზის გამო ვერ დაესწრო. საბჭოს გადაწყვეტილებით, 8 სადისერტაციო ნაშრომი განსახილველად დარგის ექსპერტებს გადაეცა, ამდენად, საერთო ჯამში, კვალიფიკაცია 53 დოქტორანტს მიენიჭა.
რაც შეეხება ჰუმანიტარულ მეცნიერებებში სადისერტაციო ნაშრომების ავტორთათვის კვალიფიკაციის მინიჭების საკითხებს, მათზე საქართველოს ტექნიკური უნივერსიტეტის ჰუმანიტარულ-სოციალური მიმართულების საუნივერსიტეტო საბჭო იმსჯელებს.