04/07/2022
საქართველოს განათლებისა და მეცნიერების სამინისტროში მიმდინარე წლის 4 აპრილს საქართველოს საგარეო საქმეთა სამინსიტროდან შემოვიდა წერილი (სამინისტროში რეგისტრაციის N344676; 04.04.2022), რომლის თანახმად, UNESCO აცხადებს განაცხადების მიღებას 2022 წლის ახალგაზრდა მკვლევრებისთვის გრანტის Silk Roads Youth Research Grant მისაღებად. აღნიშნული პროგრამა წარმოადგენს UNESCO-ს ინიციატივას, რომელიც ხორციელდება ჩინეთის სახალხო რესპუბლიკის იუნესკოს საქმეთა ეროვნული კომისიის მხარდაჭერით. გრანტის მოსაპოვებლად, კანდიდატის კვლევა უნდა მოიცავდეს საკითხებს, რომლებიც ეხება აბრეშუმის გზის ზიარ მემკვიდრეობას, აბრეშუმის გზის მრავალფეროვნებას და მის როლს თანამედროვე საზოგადოებების შემოქმედებაში, კულტურათაშორის დიალოგში, სოციალურ ერთიანობაში, რეგიონალურ და საერთაშორისო თანამშრომლობაში, ასევე მდგრად მშვიდობასა და განვითარებაში.

12 გრანტი გაიცემა 35 წლამდე ახალგაზრდა მვლევრებზე, განაცხადების წარდგენის ბოლო ვადაა 31 მაისი.

გამარჯვებულები გამოვლინდებიან 2022 წლის სექტემბერში. გრანტის ოდენობა შეადგენს  10,000 აშშ დოლარს. განაცხადების წარდგენა ხდება ელ-ფოსტის - silkroadsgrant@unesco.org მეშვეობით, ინგლისურ ენაზე.  

დეტალური ინფორმაცია ხელმისაწვდომია შემდეგ ბმულზე: https://en.unesco.org/silkroad/youthgrant

ზემოაღნიშნული პროგრამით დაინტერესების შემთხვევაში გთხოვთ, გაავრცელოთ თქვენს უმაღლეს საგანმანათლებლო დაწესებულებაში.

 

სიახლეებში დაბრუნება